10.09c
Երեվան
երք, մրտ 18
Օրերս, Մարսիլիոյ հիւիսիային արուարձաններէն Լէն-Փէն-Միրապոյի մէջ կատարուած է հանդիսաւոր բացումը Միսաք եւ Միլինէ Մանուշեանի յիշատակը յաւերժացնող կոթողին։
Այս մասին «Արեւելք» տեղեկացաւ Փարիզի «Նոր Յառաջ» պարբերականէն։
Ստորեւ այդ մասին հրապարակուած լուրը՝
Շաբաթ, Փետրուար 8-ի առաւօտեան, Մարսիլիոյ հիւիսիային արուարձաններէն Լէն-Փէն-Միրապոյի մէջ կատարուած է հանդիսաւոր բացումը Միսաք եւ Միլինէ Մանուշեանի յիշատակը յաւերժացնող կոթողին։
Քաղաքի գրադարանի՝ Իտէթեքի բակին մէջ տեղադրուած յուշարձանին բացումը կատարած է Լէ-Փէն-Միրապոյի քաղաքապետը Միշէլ Ամիէլ, ներկայութեամբ՝ Ծերակոյտի՝ Մշակոյթի, կրթութեան, հաղորդակցութեան եւ մարզանքի յանձնախումբի փոխնախագահ Ժերեմի Պաչիի, Ֆրանսայի մէջ Արցախի մնայուն ներկայացուցիչ Յովհաննէս Գէորգեանի եւ Մելինէ Մանուշեանի քրոջ թոռան՝ Քաթիա Կիրակոսեանի
Մեծարանքի այս արարողութիւնը տեղի կ՚ունենար Ֆրանսայի ազատագրման ի խնդիր պայքար մղած,– Միսաքի պարագային՝ կեանքի գինով վճարուած պայքար,– Մանուշեան ամոլին Պանթէոն մուտք գործելու առաջին տարեդարձին նախօրեակին։
Յուշակոթողին վրայ քանդակուած արձանագրութեան մէջ, ի միջի այլոց, կարելի է կարդալ. «Վստահ եմ, որ ֆրանսացի ժողովուրդը եւ ազատութեան ի խնդիր պայքարած բոլոր մարտիկները մեր յիշատակը պիտի մեծարեն արժանապատուօրէն։ – Միսաք Մանուշեան»։
