image

Չինաստանի մէջ «Քովիտ»ի նոր օճախ

Չինաստանի մէջ «Քովիտ»ի նոր օճախ

Չինաստանի Ֆուցզիան նահանգին մէջ յայտնաբերած են նոր տիպի «Քորոնա» ժահրով վարակման 6 եւ ասիմպտոմային (առանց տեսանելի ախտանիշի) 18 դէպք, կը հաղորդէ «Սինհուա» գործակալութիւնը՝ վկայակոչելով տեղական իշխանութիւնները:

Նոր օճախ յայտնաբերուած է Փութիան քաղաքի Սիանիու գաւառին մէջ։ Փութիան քաղաքին մէջ մէկ օրուան մէջ հիւանդութեան 19 դէպք յայտնաբերուած է, Ցիւանչժոու քաղաքին մէջ՝ 1 դէպք։

Ընդամէնը մէկ օրուան մէջ Չինաստանի մէջ 46 նոր վարակակիր յայտնաբերուած է, որոնցմէ աւելի քան կէսը արտերկրէն ժամանած է:

Աւելի վաղ՝ 19 Յունուարին, Չինաստանի առողջապահութեան պետական կոմիտէն յայտարարած էր Ցզիլին հիւսիսարեւելեան նահանգին մէջ վարակման օճախի մասին: Այնտեղ մէկ օրուան մէջ գրանցուած է վարակի 43 դէպք։

Առաջին դէպքը յայտնաբերելէ ետք իշխանութիւնները տեղի բնակիչներէն վերցուցած են 81 938 նմուշ։

Նախնական տուեալներով ՝ «Քորոնա» ժահրի տարբերակը նոյնականացուած է որպէս «տելթա»  շտամ:

Ներկայիս, ԱՀԿ-ի տուեալներով, աշխարհի մէջ կայ աւելի քան 223 միլիոն հիւանդ, իսկ Ճոնս Հոփքինսի համալսարանի հաշուարկներով՝ «Քորոնա» ժահրով հիւանդներու թիւը հասած է 224 միլիոնի: