Ազդակ, Պէյրութ-Լիբանանցի երիտասարդներ Ահմետ Սոպհ եւ Հիւսէյն Պարտա շաբաթ երեկոյեան վերադարձան Պէյրութ:
Անոնք մաս կը կազմէին լիբանանցի այն 9 երիտասարդներուն, որոնք արգելափակուած էին Արաբական Միացեալ Էմիրութիւններուն մէջ:
Պէյրութի միջազգային օդակայանին մէջ ազատ արձակուած լիբանանցիները դիմաւորուեցան իրենց ընտանիքներուն կողմէ, որոնք շնորհակալութիւն յայտնեցին Ընդհանուր ապահովութեան ընդհանուր տնօրէն հազարապետ-զօրավար Ապպաս Իպրահիմին` անոր ի գործ դրած ջանքերուն համար:
Ընտանիքները մաղթեցին, որ Արաբական Միացեալ Էմիրութիւնները ազատ արձակեն նաեւ մնացեալ արգելափակեալները` շեշտելով, որ իրենք կը հաւատան Արաբական Միացեալ Էմիրութիւններուն սիրոյն, ներողամտութեան եւ եղբայրութեան: