16.09c
Երեվան
հնգ, ապր 23
«Պայրաքտար» արտադրող «Baykar Makina» ընկերութիւնը չէ մատակարարած եւ մտադիր չէ իր արտադրանքը մատակարարել Ռուսիոյ Դաշնութեան, քանի որ կ'աջակցի Ուքրանիոյ ինքնիշխանութեան եւ անոր անկախութեան համար պայքարին։ Այս մասին յայտարարած է «Baykar Makina»-ի գործադիր տնօրէն Հալուք Պայրաքտարը՝ CNN-ին տուած մեկնաբանութեան մէջ:
Ան ընդգծած է, որ Թուրքիան եւ Ուքրանիան ռազմավարական յարաբերութիւններ ունին, յատկապէս օդատիեզերական եւ պաշտպանական արդիւնաբերութեան ոլորտին մէջ:
«Թուրքիան կ'աջակցի Ուքրանիոյ՝ մարտական անօդաչու թռչող սարքերով, մենք նաեւ անօդաչու սարքերու համար շարժիչներ կը գնենք Ուքրանիայէն: Ուքրանիոյ հետ մենք յարաբերութիւններ կառուցած ենք շահեկան սկզբունքով, որ ձեռնտու է երկու երկիրներուն»,- ըսած է Պայրաքտարը։
Ընդ որում, ան շեշտած է, որ Թուրքիան Ռուսաստանին երբեք անօդաչուներ չէ մատակարարած:
