-5.91c
Երեվան
չրք, դկտ 24
77 տարեկան հասակին մահացած է ՀՀ ժողովրդական արուեստագէտ, բեմադրիչ Վահէ Շահվերտեան։ Այդ մասին կը տեղեկացնէ անոր որդին՝ բեմադրիչ Սուրէն Շահվերտեան։
«Կը ներես, որ այս կեանքում չհասցրի խօսել քեզ հետ, այնքան, որքան պիտի խօսէի։ Կը ներես, որ չհասցրի ասել այն ինչ պիտի ասէի։ Կը ներես, չկարողացայ վերադարձնել քեզանից ստացած ուշադրութեան եւ սիրոյ գոնէ կէսը: Կը ներես, որ չկարողացանք այս անգամ կեանքդ փրկել: Կը հանդիպենք երկնքում ու ես կրկին այսպէս պինդ կը գրկեմ քեզ»,- իր ֆէյսպուքեան էջին գրած է Սուրէն Շահվերտեան։
Վահէ Սուրէնի Շահվերտեան ծնած է 1945-ի օգոստոս 9-ին, Կիրովականի մէջ։
1971 թուականին աւարտած է Երեւանի գեղարուեստա-թատերական ինստիտուտը (ուսանած է Ռաֆայէլ Ջրբաշեանի մօտ)։ 1973-1996 թուականներուն եղած է Վանաձորի դրամատիկական թատրոնի գեղարուեստական ղեկավար։ 1992 թուականէն կը դասախօսէր Երեւանի թատրոնի եւ կինոյի պետական ինստիտուտէն ներս, 1994-1998 թուականներուն եղած է նոյն բուհի ռեկտորը, 2003 թուականէն փրոֆեսոր, 1996-2008 թուականներուն՝ Երեւանի Սունդուկեանի անուան թատրոնի գեղարուեստական ղեկավար։
1995-1999 թթ-ին եղած է ՀՀ Աժ պատգամաւոր։
2008 թուականէն Վահէ Շահվերտեանը Վանաձորի Յովհաննէս Աբելեանի անուան թատրոնի գեղարուեստական ղեկավարն էր։
Ան 85 բեմադրութիւններու հեղինակ է:
