26.09c
Երեվան
երք, սպտ 15
Հայ դերասան եւ բնորդ Սամուէլ Թադեւոսեան իր մասնակցութիւնը բերած է ֆրանսական աշխարհահռչակ նորաձեւութեան «Dior» տան տղամարդոց ձմեռնային հաւաքածոյի նոր գովազդային արշաւին։
«Ճշգրտութեան ուսումնասիրութիւն» կարգախօսով արշաւը նուիրուած է տղամարդոց դասական հագուստի, մասնաւորաբար՝ տարազի ժամանակակից մեկնաբանութեան։ Նոր հաւաքածոյին մէջ շեշտը դրուած է նրբագեղութեան, ձեւերու ճշգրտութեան եւ մանրակրկիտ վարպետութեան վրայ։
Սամուէլ Թադեւոսեան հայ հանդիսատեսին ծանօթ է յատկապէս «Կեանք եւ կռիւ» շարժանկարէն, ուր ստանձնած էր գլխաւոր դերերէն մէկը։ Ան հետագային մասնակցած է տարբեր շարժանկարներու եւ այլ նախագիծերու՝ դերասանական ասպարէզին զուգահեռ գործունէութիւն տանելով նաեւ նորաձեւութեան աշխարհին մէջ։
