15.09c
Երեվան
երք, սպտ 29
Թուրքիա- («Թուտէյզ Զամա»- Պոլիս) Թրքական «Ժումհուրիյէթ» օրաթերթի խմբագրակազմը իր հերթական նիստը գումարած է Սիլիվրի բանտին մօտ: Նշենք, որ թերթի գլխաւոր խմբագիր Ճան Տիւնտէր եւ Անգարայի գրասենակի ներկայացուցիչ Էրտէմ Կիւլ անցնող 26 Նոյեմբերէն ի վեր կը մնան բաատարկուած: Թերթի աշխատակիցները իբրեւ զօրակցութիւն իրենց գործընկեր- պատասխանատուներուն այս քայլին դիմած են: Այս մասին կը գրէ «Թուտէյզ Զաման»ը, որ նաեւ կը յիշեցնէ, որ «Ժումհուրիյէթ» թերթի խմբագիրն ու Անգարայի գրասենակին ներկայացուցիչը բանտարկուած են թերթի առաջին ճակատին դէպի Սուրիոյ փոխադրուող եւ զինմաթերքով լեցուն բեռնակառքերու լուսանկարներ տեղադրելու համար: Թերթը այդ առթիւ սուր խմբագրական մը հրապարակելով մեղադրած էր իշխանութիւները Սուրիոյ ահաբեկչկան խբմաւորումներուն զէնք եւ զինամթերք ուղղարկելու համար: Իր կարգին «Սէօզչիւ» թերթի յօդուածագիր՝ Օզլամ Կիւրսէս, որ յանուն Թուրքիոյ բոլոր բռնադատուած լրագրողներուն յատուկ բողոքի աշխատանքներ կ'իրականացնէ յայտնած է, թէ Թուրքիոյ բոլոր լրագրողները խոր տագնապի մը առջեւ են, որովհետեւ երբեք չէին ակնկալեր, որ Թուրքիան այսքան ծանր վիճակի մը մէջ պիտի յայտնուի եւ ամէն օր երկրի տարբեր շրջաններուն մէջ պայթումներ եւ սպաննութիւններ պիտի կատարուին:
