16.09c
Երեվան
հնգ, նմբ 05
Պէյրութի մէջ, երեքշաբթի, 17 մայիսին, «Արցախեան քառօրեայ պատերազմը» խորագրով զեկոյց պիտի ներկայացնէ հայրենի լրագրող Թաթուլ Յակոբեանը: Յակոբեանի հետ հանդիպումը տեղի պիտի ունենայ «Ազդակ»ի «Փիւնիկ» սրահէն ներս, որու ընթացքին պիտի ներկայացուի նաեւ յատուկ տեսանիւթ մը, նկարահանուած՝ քառօրեայ պատերազմի օրերուն: Այս առթիւ պիտի ներկայացուի նաեւ Թաթուլ Յակոբեանի նախաձեռնութեամբ լոյս տեսած Քաջազնունիի, Վրացեանի, Ջամալեանի, Նաւասարդեանի եւ Դարբինեանի հատորները:
Նշենք, որ լրագրող Թաթուլ Յակոբեանը Պէյրութի «Ազդակ» օրաթերթի Երեւանի թղթակիցն է (2005 թուականէն ի վեր), «Սիվիլիթաս» հիմնադրամի վերլուծաբան (2009-էն ի վեր), Երեւանի պետական համալսարանի դասախօս (2010-էն ի վեր) եւ Հայկական ուսումնասիրութիւններու «Անի» կեդրոնի համակարգող (2014-էն ի վեր):
