20.79c
Երեվան
ուրբ, հլս 03
Արժանթինի Վալենթին Ալսինա քաղաքին մէջ (Պուենոս Այրէս նահանգ) չարագործներ քանի մը շաբթուան ընթացքին երկու անգամ ներխուժած են Սուրբ Յակոբ հայկական եկեղեցին եւ արժէքաւոր իրեր գողցած:
Ինչպէս կը յայտնէ El Diario Sur պարբերականը՝ յղում ընելով տեղի հայ համայնքին, եկեղեցիէն տարած են մոմակալներ, պրոնզէ ցուցատախտակներ, երկու երգեհոն, ծաղկամաններ, ոսկեայ եւ արծաթեայ գաւաթներ, նկարներ, սփռոցներ, վարագոյրներ, կահաւորանքի տարրեր եւ մեծ խորհրդանշական արժէք ունեցող խաչեր:
Եկեղեցւոյ ծխականները մտահոգուած են մշակութային եւ կրօնական արժէք ունեցող իրերու կողոպուտով եւ կոչ ըրած են քաղաքի իրաւապահ մարմիններուն պարզելու եղելութիւնը:
