21.09c
Երեվան
հնգ, հկտ 08
Լրատուական աղբիւրներ կը հաղորդեն, թէ կիրակի օր, ֆրանսական Քալէ քաղաքի տխրահռչակ «Անտառ» հիւղաւանի բնակիչները անկարգութիւններ կատարած են եւ քննադատած ֆրանսական կառավարութեան նախապատրաստութիւնները՝ Ֆրանսայի հիւսիսը գտնուող լայնածաւալ հիւղաւանը փակելու դէմ:
Ֆրանսական BFMTV հեռուստակայանի պատկերահանումներէն հնարաւոր էր տեսնել մի քանի տասնեակ մարդիկ, որոնք քարեր կը նետէին ոստիկանութեան վրայ: Իշխանութիւնները անոնց պատասխանած են արցունքաբեր կազով:
Ֆրանսան, երկուշաբթի օրուընէ սկսեալ, կ′ուզէ փակել այս հիւղաւանը, որ կը պատսպարէ մօտ 6500 գաղթական, եւ անոր բնակիչները պիտի տեղափոխուին երկրի տարբեր մասերու պաշտօնական հիւղաւաններ:
