15.09c
Երեվան
երկ, մրտ 23
Ռուսաստանի դաշնութեան նախագահ Վլատիմիր Փութին այսօր անակնկալ այցելութեամբ ժամանած է Սուրիա: Ան ժամեր առաջ հանդիպում ունեցած է Սուրիոյ նախագահ Պաշշար Ասատի հետ: Այս մասին տեղեկութիւնը կը հաղորդէ «Ալ-Մայատին» կայանը, նշելով, որ հանդիպումը կայացած է Դամասկոսի ռուսական ուժերու գլխաւոր կեդրոնին մէջ:
Աղբիւրը նաեւ կը նշէ, որ հանդիպման ներկայ եղած է Ռուսաստանի պաշտպանութեան նախարար Շոյկոն:
Կը նշուի նաեւ, որ հանդիպման ընթացքին Սուրիա յատուկ առաքելութեամբ գտնուող Ռուսաստանի ուժերու գլխաւոր շտապի պետը եւ հրամանատարները յատուկ վերլուծում մը եւ ընդհանուր տեղեկագիր մը ներկայացուցած են Սուրիոյ այսօրուայ ընդհանուր իրավիճակի մասին:
Լուսանկարը՝ Սուրիոյ նախագահութեան «Թելեկրամ»ի պաշտօնական էջէն։
