18.09c
Երեվան
շբթ, սպտ 12
Թուրքիոյ քրտամէտ Ժողովուրդներու Ժողովրդավարական կուսակցութեան (HDP) հայազգի երեսփոխան Կարօ Փայլան, որ կուսակցութեան կողմէ ծրագրումի ու պետական պիւտճէի յանձնաժողովի քննարկումներուն անդամ է, երեքշաբթի օր ելոյթ ունենալով, անդրադարձած է հայ-թրքական սահմանի փակ ըլլալու իրողութեան: Փայլան նշած է, որ եթէ սահմանը բաց ըլլար, ապա Հայաստան իր առեւտուրի մեծ մասը Թուրքիոյ միջոցաւ պիտի իրականացնէր: Փայլան իր խօսքի մէջ հաստատած է, որ 23 տարիներէ ի վեր Հայաստաի հետ սահմանը փակ պահելու հիմնական պատճառը եղած է ղարաբաղեան հարցը: Այս ուղղութեամբ ան դիտել տուած է, որ սահմանի բաց ըլլալը պիտի խթանէր երկու երկիրներու միջեւ յարաբերութիւններու զարգացման, եւ հաւանաբար՝ դիւրացնէր ղարաբաղեան հարցի լուծումը: «Երկու կողմերն ալ կրնային այդ յարաբերութիւնները զարգացնել եւ խնդիրները դէպի լուծման առաջնորդել» ըսած է ան:
