27.27c
Երեվան
հնգ, հլս 30
Հայաստանը ստացած է «քորոնա» ժահրի ախտորոշման տարրալուծարանային փորձարկու սրուակներ: «Արմենբրես»-ի հաղորդմամբ, այս մասին Ֆեյսպուքի իր էջին գրած է ՀՀ առողջապահութեան նախարար Արսէն Թորոսեանը:
«Քիչ առաջ ստացանք «քորոնա» ժահրի ախտորոշման տարրալուծարանային փորձարկու սրուակներ։ Անոնք շատ կարեւոր են հիւանդութեան կանխարգելման եւ բուժման համար։ Մինչ օրս հիւանդութեան բնորոշ ախտանիշերով հիւանդ չենք ունեցած, սակայն այսուհետ պիտի կարողանանք կասկածելի պարագաներուն նաեւ տարրալուծարանային ստուգում իրականացնել։ Մնացած բոլոր հակահամաճարակային միջոցառումները պատշաճ կ'իրականացուին»,-նշած է Արսէն Թորոսեանը։
Նոր տիպի «քորոնա» ժահրով վարակուածների թիւն աշխարհի մէջ կ'անցնի 14 հազարը։ Մահացած է աւելի քան 300 մարդ։ Մահուան առաջին դէպքը արձանագրուած է Չինաստանէն դուրս՝ Ֆիլիփիններու մէջ։ Մահացողը չինական Ուհանէն է, որ կը համարուի վարակի կեդրոնը։
Հայաստան բերուած ախտորոշման տարրալուծարանային փորձարկու սրուակները 200 հատ են, տրամադրուած են Ռուսաստանի կողմէ' անվճար։
