22.22c
Երեվան
չրք, հլս 15
«Հայաստանի Հանրապետական կուսակցութիւն» խմբակցութիւնը ԱԺ-ի մէջ խմբակցութեան նիստ հրաւիրած էր՝ քննարկելու «Քայլ արա» նախաձեռնութեան ղեկավար Նիկոլ Փաշինեանի հետ բանակցութիւններու հարցը:
Նիստի աւարտէն ետք խմբակցութեան ղեկավար Վահրամ Պաղտասարեանը լրագրողներու հետ զրոյցի ընթացքին ըսած է, որ իրենք կոչով դիմած են հանրապետութեան նախագահին, որպէսզի վերջինս քաղաքական ուժերուն քաղաքական երկխօսութեան հրաւիրէ:
Հարցին, թէ պիտի ունենայ ՀՀԿ-ն վարչապետի թեկնածու. «Եթէ քաղաքական երկխօսութիւն լինի, մենք նոր որոշում կը կայացնենք: ՀՀԿ-ն միասնական է, եւ երբ որոշում կայացնենք, դրա մասին կը խօսենք»:
Ան յայտնած է, որ նիստին վարչապետի թեկնածու ներկայացնելու հարցով վերջանական որոշում չէ կայացուած:
«Ամէն ինչ կ'արուի Սահմանադրութեամբ եւ Սահմանադրութիւնը չենք խախտելու» նշած է Պաղտասարեան:
Հարցին, թէ հնարաւո՞ր է, որ ՀՀԿ-էն կողմ քուէարկեն ընդդիմութեան վարչապետի թեկնածուին, ան ըսած է, որ ՀՀԿ-ն միասնական է:
