19.09c
Երեվան
հնգ, հնս 26
Սուրիոյ մէջ մէկ շաբթուան ընթացքին ոսկիի մէկ կրամի արժէքը 2400 լիրա նուազած է, կը գրէ «Շամ Թայմզ» լրատուական կայքը:
Այս առթիւ ոսկերիչներու միութեան նախագահ Ղասսան Ճազմաթի նշած է, որ ոսկիի արժէքի նուազումէն ետք քաղաքացիները սկսած են վաճառել իրենց մօտ գտնուող ոսկեղէնը, վախնալով, որ այն կրնայ աւելի արժեզրկուիլ:
Ճազմաթի նշած է նաեւ, որ ոսկին միակն է, որ զգալիօրէն արժեզրկուեցաւ տոլարի արժեզրկման հետ, որովհետեւ անոր արժէքը անմիջականօրէն կապուած է տոլարի փոխարժէքին հետ:
Ճազմաթի միաժամանակ քաղաքացիներուն խորհուրդ տուած է չվաճառել իրենց ոսկեղէնը, անգամ նման պայմաններու մէջ, որովհետեւ տեղի ունեցածը կապուած է ռազմական իրավիճակին հետ:
Ինչ կը վերաբերի ոսկերիչներուն, Ճազմաթի շեշտած է, որ վերջիններս պիտի չազդուին ոսկիի արժէքի նուազումէն, որովհետեւ անոնց շահը պիտի մնայ անխախտ, այսինքն՝ 200 լիրա իւրաքանչիւր կրամի համար:
