-11.91c
Երեվան
երք, դկտ 30
Սուրիոյ նախագահ Պաշշար Ասատ նոր հրաման արձակած է երկրին մէջ համընդհանուր համաներման մասին: Այս մասին կը տեղեկանանք Սուրիոյ նախագահի վարչակազմի թելեկրամեան պաշտօնական ալիքի մէջ հրապարակուած յայտարարութենէն, ուր կ'ըսուի, որ համաներումը կը վերաբերի մինչեւ 2 Մայիս, 2021-ը տեղի ունեցած յանցագործութիւններուն:
Հրամանագրի համաձայն՝ համաներումը չի տարածուիր այն կալանաւորներու վրայ, որոնք դատապարտուած են զէնքի ու պայթուցիկ նիւթերու մաքսանենգութեան, լրտեսութեան եւ պետական դաւաճանութեան համար:
Նախագահի հրամանագիրը որոշ պարագաներու կ'ենթադրէ նաեւ պատիժի մեղմացում: Օրինակ, մահապատիժի մասին դատավճիռը կը փոխարինուի ցմահ հարկադիր աշխատանքով: Իսկ նման աշխատանքներու դատապարտուածներու պատիժի ժամկէտը կը կրճատուի մինչեւ 20 տարի:
Սուրիան կը պատրաստուի նախագահական ընտրութիւններու, որոնք պիտի կայանան 26 մայիսին: Ընտրութիւններուն մասնակցելու համար իրենց թեկնածութիւնը առաջադրած են աւելի քան 50 թեկնածու, այդ շարքին՝ գործող նախագահը:
