Ռուսիոյ օդային փոխադրութեան դաշնային գործակալութիւնը յայտնած է, որ Մոսկուայի եւ Մերձմոսկովեան շրջանին մէջ անօդաչու թռչող սարքերու յարձակումը յանգեցուցած է ժամանակաւոր սահմանափակումներու՝ «Վնուկովո» եւ «Դոմոդեդովո» օդակայաններուն մէջ թռիչքներ ընդունելու եւ ուղարկելու համար: Այդ պատճառով տասը օդանաւ վայրէջք կատարած է այլընտրանքային օդակայաններու մէջ:
«Սահմանափակումներու պատճառով տասը օդանաւ վայրէջք կատարած է այլընտրանքային օդակայաններու մէջ: Եւս վեց օդանաւի անձնակազմերը վերահաշուարկած են երթուղիները, փոխած են թռիչքներու ծրագրերը եւ օդային տարածքի օգտագործման սահմանափակումները վերացնելէ ետք վայրէջք կատարած են նշանակման օդակայաններու մէջ»,- նշած են գերատեսչութեան մամուլի ծառայութենէն։
Սահմանափակումները հանուած են Մոսկուայի ժամանակով ժամը 5:25-ին, յայտնած է դաշնային գործակալութիւնը։
Աւելի վաղ հաղորդուած էր, որ Մոսկուայի շրջանի երկինքին մէջ անօդաչու թռչող սարքերու յարձակման եւ հակաօդային պաշտպանութեան համակարգերու օգտագործման պատճառով «Դոմոդեդովո»-ի մէջ յետաձգուած է 20 թռիչք, իսկ «Վնուկովո»-ի մէջ՝ ինը թռիչք։ Բացի այդ, յետաձգուած է երեք թռիչքի մեկնում դէպի «Վնուկովո»։