28.09c
Երեվան
շբթ, սպտ 14
«Արեւելք» (Պէյրութ),- Տարբեր առիթներով իր բոլորանուէր նեցուկը Լիբանանի եւ Սուրիոյ դժուար պայմաններու տակ գտնուող մեր հայրենակիցներուն ցոյց տուած Հայց. Առաքելական Եկեղեցւոյ նուիրեալ քահանաներէն՝ Արժ. Տ. Մեսրոպ քհնյ. Լագիսեան (Բնիկ՝ Մուսալերցի), որ կը գտնուի ՝ Պէյրութ այցելութիւն մը տուած է «Ճինիշեան Կեդրոն»։
Ստորեւ կը ներկայացնենք այդ մասին եղած գրառումը, մշտանորոգ առաքելական ոգի եւ նուիրական կամք մաղթելով մեզի ալ շատ սիրելի Տէր Հօր։
«Ճինիշեան Կեդրոն»ի էջին մասնաւորապէս գրուած է՝
«Պատիւն ունեցանք հիւրընկալելու Նիւ Եորքի Սուրբ Լուսաւորիչ Մայր Տաճարի հովիւ՝ Տէր Մեսրոպ քահանայ Լագիսեանը, Լիբանան կատարած իր առաքելութեան ընթացքին: «Ճինիշեան հիմնարկի տնօրէնը Տէր Մեսրոպ Լագիսեանին ներկայացուց մեր կազմակերպութեան բժշկական եւ ընկերային տարբեր նախաձեռնութիւնները։
Հանդիպելէ ետք հիմնարկին ընկերային ծառայութեան եւ բժշկական խումբին հետ, Տէր Մեսրոպ իր աջակցութիւնը յայտնեց մեր առաքելութեան:
Լիբանանի Ճինիշեան հիմնարկը երախտապարտ է Տէր Մեսրոպ Լագիսեանին եւ Սուրբ Լուսաւորիչ եկեղեցւոյ ժողովուրդին իրենց անգնահատելի օժանդակութեան համար»։
