21.09c
Երեվան
կրկ, սպտ 15
Ուքրանիոյ Արտաքին գործոց նախարարութիւնը կոչ ըրած է Մոնկոլիոյ իշխանութիւններուն կատարելու Միջազգային քրէական դատարանի հրամանը եւ ձերբակալելու Վլատիմիր Փութինը, որ մտադիր էր 3 սեպտեմբերին այցելել Մոնկոլիա։
Արտաքին գործոց նախարարութեան յայտարարութեան մէջ ուքրանական կողմը նշած է, որ Փութին ռազմական յանցագործ է եւ յոյս յայտնած, որ Մոնկոլիոյ կառավարութիւնը, որ վաւերացուցած է Հռոմի կանոնադրութիւնը, կը գիտակցի այդ։
«Ուքրանացի երեխաներու տեղահանումն ընդամէնը մէկն է այն բազմաթիւ յանցագործութիւններէն, որոնց համար Փութին եւ Ռուսիոյ Դաշնութեան ռազմաքաղաքական ղեկավարութեան միւս անդամները պէտք է կանգնին արդարադատութեան առջեւ։
Այդ անձերը մեղաւոր են Ուքրանիոյ դէմ յարձակողական պատերազմի, ուքրանացի ժողովուրդի նկատմամբ վայրագութիւններու, սպաննութիւններու, բռնաբարութիւններու, կողոպուտներու, քաղաքացիական ենթակառուցուածքներու գնդակոծման եւ ցեղասպանութեան մէջ»,- ըսուած է Արտաքին գործոց նախարարութեան յայտարարութեան մէջ։
Յիշեցնենք, որ Ռուսիոյ Դաշնութեան նախագահի մամուլի քարտուղար Տմիթրի Փեսքով յայտարարած էր, որ Քրեմլինին չ'անհանգստացներ Փութինի այցը Մոնկոլիա, որ ստորագրած է Հռոմի կանոնադրութիւնը։
