22.32c
Երեվան
չրք, հնս 17
Պէյրութի «Ազդակ»էն կը կարդանք՝
«Ազդակ»-ի խմբագրատուն այցելեցին եւ տնօրէնութեան հետ տեսակցեցան Հայ կաթողիկէ համայնքի Պէյրութի Թեմի օգնական եպիսկոպոս Գէորգ եպս. Ասատուրեան եւ «Ռատիօ Վատիկան»-ի հայկական բաժանմունքի տնօրէն Ռոպեր Աթթարեան:
Խորհրդակցութիւնը կը վերաբերէր տեղեկատուական խնդիրներուն, հայկական իրադարձութիւններուն «Ռատիօ Վատիկան»-ի լուսաբանումներուն: Ռոպեր Աթթարեան հաստատեց, որ «Ռատիօ Վատիկան»-ի հայկական բաժինը մեծապէս նկատի կ՛ունենայ «Ազդակ»-ի հրապարակումներն ու նիւթերը եւ զանոնք իբրեւ աղբիւր կ՛օգտագործէ իր լրատուութիւններու ընթացքին: Փոխադարձաբար «Ռատիօ Վատիկան»-ը «Ազդակ»-ին համար կը նկատուի կարեւորագոյն սկզբնաղբիւր հայկական հարցերու գծով քահանայապետին թէ ընդհանրապէս Վատիկանի որդեգրած կոչերուն եւ յայտարարութիւններուն համար:
Խօսակիցները վերահաստատեցին երկու լրատուամիջոցներուն միջեւ համագործակցութիւնը շարունակելու անհրաժեշտութիւնը:
