27.86c
Երեվան
ուրբ, հնս 12
ԱՄՆ Կալիֆոռնիա նահանգի Սան Ֆրանցիսկո քաղաքում հունիսի 9-ին մահացել է հայ դասական գրականության հիմնասյուներից մեկի՝ Պերճ Պռոշյանի թոռնուհին՝ Պերճուհի (Նեա) Էաչիի Պռոշյանը:
Հանգուցյալի հուղարկավորության արարողությունը տեղի կունենա սույն թվականի հուլիսի 18-ին՝ Սան Ֆրանցիսկո քաղաքի գերեզմանատանը:
Պերճուհի Պռոշյանը ծնվել է անվանի գեղանկարիչ Էաչի Պռոշյանի ընտանիքում և հանդիսանում էր հայ մեծանուն գրողի և բանաստեղծ Սայաթ-Նովայի շառավիղների ուղղակի ժառանգը։ Ինչպես հայտնի է՝ Պերճ Պռոշյանի կինը՝ Աննա Դոլգյանը, մայրական կողմից եղել է Սայաթ-Նովայի ծոռնուհին՝ օժտված բարձր կրթությամբ ու բանիմացությամբ, ում մասին գրողն իր հուշերում նշել է, որ եթե չլիներ Աննան, ինքը չէր լինի այն, ինչ կար։
Աննա և Պերճ Պռոշյանների ընտանիքում ծնվել է 6 զավակ, որոնցից յուրաքանչյուրն իր հետքն է թողել հայ մշակույթի և պատմության մեջ.
Պերճանույշ, Աշխեն և Շուշանիկ Պռոշյաններ – երախտաշատ մանկավարժներ,
Պռոշ Պռոշյան – հայտնի քաղաքական և պետական գործիչ,
Էաչի Պռոշյան – տաղանդավոր գեղանկարիչ,
Պապաք Պռոշյան – վաստակաշատ իրավաբան։
