29.82c
Երեվան
չրք, հնս 17
Իրանական լցանաւերը վերջին երկու ամսուան ընթացքին առաջին անգամ սկսած են արտածել անմշակ նաւթ՝ այն բանէ ետք, երբ Ուաշինկթընն ու Թեհրանը յայտարարեցին շրջանակային համաձայնագրի մասին, որ կը նախատեսէ, ի թիւս այլ բաներու, Իրանի նաւահանգիստներու դէմ ամերիկեան շրջափակման վերացումը։ Այս մասին կը հաղորդէ CNN հեռուստակայանը։
Նշուած է, որ ըստ ծովային փոխադրումներու դիտարկմամբ զբաղող TankerTrackers վերլուծական ընկերութեան՝ իրանական լցանաւերն արդէն յաջողած են դուրս բերել նաւթի երկու խմբաքանակ։
Ընկերութեան տուեալներով, որոնք կը հաստատուին նաեւ արբանեակային պատկերներով, Իրանի Ազգային Նաւթատար Ընկերութեան առնուազն երկու գերհսկայ լցանաւեր, որոնք կը փոխադրէին 3.8 միլիոն տակառ անմշակ նաւթ, անցած են Միացեալ Նահանգներու ռազմածովային շրջափակման գիծը։
Միացեալ Նահանգներու նախագահ Տանըլտ Թրամփ Յունիս 15-ին յայտարարած էր, որ Հորմուզի նեղուցը դարձեալ բաց է՝ համաձայնեցուած յուշագիրին պայմաններուն համապատասխան։ Սակայն աւելի ուշ ան փոխած էր ժամկէտները՝ նշելով, որ նեղուցը կրկին պիտի բացուի Յունիս 19-ին, Զուիցերիոյ մէջ փաստաթուղթին պաշտօնական ստորագրումէն ետք։
