12.09c
Երեվան
կրկ, ապր 26
Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ներս վերջերս տեղի ունեցած է քահանայական ձեռնադրութիւն։ Այս մասին կը տեղեկանանաք Նիւ Եորքի Ազգային առաջնորդարանէն:
Ձեռնադրութիւնը տեղի ունեցած է Կրինֆիըլտի Սուրբ Յովհաննէս Մկրտիչ Հայ Առաքելական եկեղեցւոյ մէջ։ Թեմակալ առաջնորդ Տ. Դանիէլ Եպսկ. Ֆընտըքեան քահանայ ձեռնադրած է Ալպերթ Սարկաւագ Համբարձումեանը։ Նորընծան վերանուանուած է Տ. Կիւրեղ Քհնյ. Համբարձումեան։
Նորընծան ծնած է Երեւանի մէջ եւ 2019 թուականին աւարտած՝ Արեւելեան թեմի Ս. Ներսէս ընծայարանը։
Թեմակալ առաջնորդ Տ. Դանիէլ Եպսկ. Ֆընտըքեան «քորոնա» ժահրի համաճարակով պայմանաւորուած խիստ սահմանափակումներէն վերջ առաջին անգամ իրականացուցած է հովուական այցելութիւն մը, որու ծիրէն ներս ալ այս քահանայական ձեռնադրութիւնը տեղի ունեցած է Միլուաքիի մէջ։
