15.09c
Երեվան
կրկ, ապր 26
Սուրիոյ նախագահ Ահմետ Շարըհ կոչ ուղղած է ԵՄ անդամ պետութիւններուն՝ վճռական դիրքորոշում որդեգրելու Իսրայէլի նկատմամբ եւ դադրեցնելու վերջինիս յարձակումները Սուրիոյ տարածքին վրայ՝ շեշտելով, որ Եւրոպայի անվտանգութիւնը կապուած է շրջանի անվտանգութեան հետ։
Կիպրոսի մէջ կայացած ԵՄ ոչ պաշտօնական գագաթաժողովէն ետք տեղի ունեցած մամուլի ասուլիսին Սուրիոյ առաջնորդը կոչ ուղղած է ԵՄ-ին «ստանձնելու Իսրայէլի կողմէ խախտումները դադրեցնելու պատասխանատուութիւնը» եւ շեշտած է, որ Իսրայէլի յարձակումները ուղղուած են կայունութեան եւ անվտանգութեան ջանքերուն դէմ։
Սուրիոյ առաջնորդը առաջարկած է Սուրիոյ տարածքը որպէս «Կեդրոնական Ասիոյ եւ Պարսից ծոցի շրջանը եւրոպական մայրցամաքին կապող այլընտրանքային եւ անվտանգ զարկերակ»։
Ան յայտարարած է, որ մայիս 11-ին Պրիւքսելի մէջ պիտի սկսի սուրիա-եւրոպական բարձր մակարդակի քաղաքական երկխօսութիւն։
