21.09c
Երեվան
կրկ, սպտ 15
Եգիպտական Airbus -320 տիպի օդանաւը առեւանգող զինեալը կը կոչուի Իպրահիմ Սըմահա: Ան Կիպրոսի մարմիններէն պահանջած է քաղաքական ապաստանեալի կարգավիճակ ստանալ: Լրատուական տարբեր աղբիւրներ կը հաղորդեն, որ Սըմահայի այս քայլը զուտ անհատական դրդապատճառներ ունի, որովհետեւ անոր կինը կիպրացի է եւ ան հակառակ իր բազմիցս ըրած դիմումներուն, չէ կրցած կիպրական հպատակութիւն ստանալ: Աղէքսանդրիոյ պետական համալսարանի կայքին հաղորդմամբ Իպրահիմ Սըմահա, որպէս անասնաբուժութեան դասախօս կը պաշտօնավարէ Աղէքսանդրիոյ մէջ: Նշենք, որ առեւանգուած օդանաւին վրայ եղող բոլոր ուղեւորները ազատ արձակուած են իսկ Եգիպտոսի դատական բարձրագոյն ատեանի մէկ բանբերը յայտնած է, որ դէպքին շուրջ արագօրէն քննութիւն պիտի բացուի:
