-5.91c
Երեվան
կրկ, դկտ 22
Հարգելի՛ հայրենակիցներ,
Ջերմորեն շնորհավորում եմ Հայոց ցեղասպանության միջոցառումները համակարգող Արգենտինայի հանձնախմբի բոլոր անդամներին՝ Նոր տարվա և Սուրբ Ծննդյան տոների առթիվ:
Մաղթում եմ, որ 2017 թվականը մուտք գործի Ձեր հարկի տակ՝ պարգևելով Ձեզ և Ձեր հարազատներին անսահման երջանկություն, ուրախություն, սեր, հաճելի սպասումներ և բազում անակնկալներ:
Թո՛ղ 2017-ը լինի աշխատանքային և անձնական հաջողությունների ձեռքբերման, խաղաղության և կայունության, ազգային և համամարդկային իղձերի կատարման տարի:
Թո՛ղ ամենակարող Աստծո օգնությամբ և միջազգային հանրության բարի կամքի դրսևորման շնորհիվ աշխարհում խաղաղությունը վերականգնվի և ոչ մի մարդ ստիպված չլինի թողնել հարազատ տունն ու բռնել գաղթի հոգեմաշ ճանապարհը: Թո՛ղ ոչ մի ծնող չտառապի զավակի կորստի ցավից ու ոչ մի երեխա չզգա պատերազմի սարսափը:
Եվ թո՛ղ մենք ազգովին, Հայաստան-Արցախ-Սփյուռք եռամիասնությամբ կարողանանք ճաշակել մեր թանկագին Հայրենիքն ավելի՛ կայուն, ավելի՛ ամուր, ապահով, ապագայի հանդեպ վստահությամբ լի տեսնելու բերկրանքն ու այդ ամենում մեր ներդրումն ունենալու երջանկությունը:
Բարի Նոր տարի և շնորհավոր Սուրբ Ծնունդ:
