ՀՀ վաստակաւոր արուեստագիտուհի Լուսինէ Կիրակոսեանի առողջական վիճակը վատացած է, ան փոխադրուած է Էրեբունի բժշկական կեդրոն:
Էրեբունի բժշկական կեդրոնէն տեղեկացուցած են, որ դերասանուհին ուրբաթ օր շտապ օգնութեան ինքնաշարժով փոխադրուած է Էրեբունի ԲԿ, համապատասխան հետազօտութիւններ անցնելէն յետոյ ախտորոշուած է երկկողմանի թոքաբորբով, ան տեղափոխուած է վերակենդանացման բաժանմունք:
Բժշկական կեդրոնէն հաղորդեցին, որ Կիրակոսեան երբ փոխադրուած է Էրեբունի բժշկական կեդրոն, արեան թթուածնային յագեցուածութիւնը ցած եղած է: Քանի մը հետազօտութիւն անցնելէն յետոյ տեղափոխուած է վերակենդանացման բաժանմունք, ուր կը շարունակէ մնալ:
Անոր վիճակը կը գնահատուի ծայրայեղ ծանր: