ՀՅԴ Արեւմտյան Ամերիկայի Հայ Դատի հանձնախումբը տեղեկացնում է, որ հոկտեմբերի 25-ին կայանալիք իր տարեկան ձեռնարկի ընթացքում Հայ Դատի Արվեստների մրցանակն այս տարի շնորհվելու է հայ հայտնի թատերագիր եւ դերասան Էրիկ Պողոսյանին:
Հայ Դատի Արվեստների մրցանակը շնորհվում է գրականության եւ արվեստի միջոցով Հայ Դատի աշխատանքներին նպաստ բերող արվեստագետների։ Մինչեւ հիմա այդ մրցանակին արժանացել են Սերժ Թանգյանը, Քրիս Պոհճալյանը եւ Ատոմ Էգոյանը, որի «Արարատ» ֆիլմում էլ խաղում է Էրիկ Պողոսյանը։ Դերասան-գրողն այս տարվա ապրիլին հրատարակել է «Նեմեսիս գործողություն» գիրքը: