21.09c
Երեվան
երկ, սպտ 16
Անցնող օրերուն մայրաքաղաք Դամասկոսի յատկապէս արեւելեան հատուածը թատերաբեմ հանդիսացած է պատերազմական թէժ գործողութիւններուն: Այս մասին տեղեկութիւնը տրուած է Դամասկոսի լուրերը փոխանցող դիմատետրի էջերու կողմէ: Կը փոխանցուի նաեւ, որ անցնող օրերուն գրանցուած պայթումներուն որոտը լսելի դարձած է մայրաքաղաքի կեդրոնական հատուածներուն մէջ: «Արեւելք»ի Դամասկոսի աղբիւրին փոխանցմամբ հրթիռներու եւ արկերու պայթումներուն ձայնը նոյնպէս շատ մօտ եղած է հայաբնակ շրջաններուն եւ մասնաւորապէս Դամասկոսի Ազգային Առաջնորդարանի շրջանին: Արաբական մէկէ աւելի կայաններ կը հաղորդեն, որ հրթիռարձակումները տեղի կ'ունենան հանգրուանի մը, երբ Սուրիոյ բանակը կը պատրաստուի ծանր եւ վճռական հարուած տալ մայրաքաղաքի արեւելեան-գիւղական շրջաններուն մէջ գտնուող ահաբեկիչներու դիրքերուն եւ յատկապէս Ղութա շրջանին, որ կը համարուի ահաբեկիչներու գլխաւոր կեդրոնատեղի:
