18.09c
Երեվան
հնգ, սպտ 19
Ատրպէյճանը սահմանազատում պիտի իրականացնէ միայն այնտեղ, ուր իրեն ձեռնտու է։ Այսօր խորհրդարանական ճեպազրոյցներու ժամանակ այս յայտարարութիւնն ըսած է ՀՀ պաշտպանութեան նախկին նախարար, «Հայաստան» խմբակցութեան ղեկավար Սէյրան Օհանեանը՝ մեկնաբանելով Հայաստանի եւ Ատրպէյճանի միջեւ սահմանազատման եւ սահմանագծման յանձնաժողովի կանոնակարգը։
Յիշեցնենք, որ Հայաստան-Ատրպէյճան սահմանազատման յանձնաժողովներու համատեղ աշխատանքի մասին կանոնակարգի սահմանադրականութեան հարցը Սահմանադրական դատարանին մէջ պիտի քննուի սեպտեմբեր 24-ին։
«Այն հակասութիւնները, որ կան կանոնակարգի մէջ, ներկայացուել են ՍԴ-ի հաւանութեան արժանանալուն։ Եւ սա էլ հետագային հիմք է հանդիսանալու, որ Ադրբեջանը ճնշի Հայաստանին`ասելով` նոյնիսկ ձեր ՍԴ–ն է դրական կարծիք տուել դրան»,–ըսած է Սէյրան Օհանեանը։
Ըստ նախկին նախարարի` այնտեղ առնուազն 2 կարեւոր եւ անիրատեսական կէտեր կան։ Առաջինը կը վերաբերի Ալմա Աթայի հռչակագրի մասին կէտին մէջ փոփոխութիւններ կատարելու հնարաւորութեան յղում կատարելուն, երկրորդն ալ, որ կարելի է սահմանազատում եւ սահմանագծում իրականացնել հատուածական։
«Այսինքն` այնտեղ, որտեղ Ադրբեջանը ցանկանայ, իր շահերից ելնելով, իրականացնելու է սահմանազատում, իսկ այնտեղ, որտեղ չցանկանայ, չի անցկացնելու»,–ըսած է ան։
Օհանեանը վստահ է, որ Ատրպէյճանը ՍԴ–ի հաւանութիւնը պիտի օգտագործէ իշխանութիւններու վրայ հետագայ ճնշումներու համար։
«Հայաստան» խմբակցութեան քարտուղար Գեղամ Մանուկեանն ալ ըսած է, որ հարցումներ ուղարկած է ԱԳՆ եւ ԱԱԾ ղեկավարներուն՝ ճշդելու համար, թէ արդեօք Վրաստանի հետ սահմանագծման ու սահմանազատման միջպետական յանձնաժողովներու կանոնակարգը քննարկուած է Սահմանադրական դատարանի կողմէ:
