28.09c
Երեվան
կրկ, հնս 01
Լիբանանցի բարձրաստիճան պաշտօնեայ մը «Ալ Ժումհուրիյէ» թերթին հետ զրոյցի ընթացքին մտահոգութիւն յայտնած է Սուրիոյ մէջ վերջին շրջանին ամերիկեան ուժերու ստեղծած լարուածութենէն, շեշտելով, որ պատմութեան ողջ ընթացքին տարածաշրջանի մէջ տեղի ունեցող դէպքերն իրենց բացասական ազդեցութիւնը ձգած են Լիբանանի վրայ:
Լիբանանցի պաշտօնեային համոզմամբ, ամերիկացիք թոյլ պիտի չտան, որ Սուրիոյ ճգնաժամն ի վնաս իրենց լուծուի, մինչդեռ ռուսական կողմը նոյնպէս վճռական է ի շահ իրեն աւարտել պատերազմը:
Պաշտօնեան Լիբանանը Սուրիոյ իրադարձութիւններէն ազդուելէ զերծ պահելու որպէս միջոց առաջարկած է ներքին անվտանգութեան ուժեղացումն ու կառավարութեան անյապաղ ստեղծումը, բան մը, որ այդքան ալ յուսալի չէ մօտ ապագայի համար:
