20.09c
Երեվան
երկ, հնս 23
Իսրայէլի պաշտպանութեան բանակը (ՑԱԽԱԼ) յայտնած է, որ ոչնչացուցած է «Հըզպալլա»ի հրթիռային ստորաբաժանման հրամանատար Մոհամմատ Ալի Ճամուլը։
«ՑԱԽԱԼ-ի ուժերը հարուած հասցուցած են եւ Լիբանանի հարաւի Շաքիֆ շրջանին մէջ ոչնչացուցած «Հըզպալլա»ի հրթիռային ստորաբաժանման հրամանատար Մոհամմատ Ալի Ճամուլը»,- ըսուած է հաղորդագրութեան մէջ:
Զինուորականները նշած են, որ հակամարտութեան սրման սկիզբէն ի վեր Ճամուլը կանգնած եղած է իսրայէլեան թիկունքին եւ ՑԱԽԱԼ-ի ուժերու ուղղութեամբ բազմաթիւ գնդակոծութիւններու պատասխանատու, իսկ որոշ ժամանակ առաջ փորձած է ձեռնարկել վերականգնել «Հըզպալլա»ի ենթակառուցուածքը Լիբանանի հարաւը, ինչ որ Իսրայէլի եւ Լիբանանի միջեւ հրադադարի համաձայնագիրի կոպիտ խախտում է:
Փետրուարին ՑԱԽԱԼ աւարտած է զօրքերը դուրս հանել հարաւային Լիբանանէն՝ համաձայն զինադադարի համաձայնագիրին, որ ձեռք բերուած էր նոյեմբեր 2024-ին՝ մէկ տարի տեւած զինուած հակամարտութենէ յետոյ, միեւնոյն ժամանակ իսրայէլեան բանակը մնացած է հարաւային Լիբանանի հինգ ռազմավարական դիրքերու մէջ՝ բացատրելով այդ մէկը, որպէս անվտանգութեան վերահսկողութիւն:
Լիբանանի ղեկավարութիւնն իր հերթին պէտք է ապահովել «Հըզպոլլա»ի ուժերու լիակատար դուրս հանելը Լիթանի գետէն հիւսիս։ Գետը որոշ հատուածներու մէջ 20-30 քմ հեռու է Լիբանան-Իսրայէլ սահմանէն։ Պէյրութի մէջ չեն կրցած պաշտօնապէս հաստատել, որ համաձայնագիրի այդ պայմանն ամբողջութեամբ կատարուած է: Վերջին շաբաթներուն Իսրայէլ թիրախային գործողութիւններ կ'իրականացնէ Հարաւային Լիբանանի մէջ «Հըզպալլա»ի մնացած ներուժի վերացման նպատակով:
