Ըստ միջազգային համբավ ունեցող դրամագետ Արմեն Փափազյանի, հայկական դրամը մտնում է արժեզրկման նոր փուլ, եւ ըստ որոշ տվյալների, առաջիկայում 1 ԱՄՆ դոլարի փոխարեն ստիպված կլինենք վճարել 600 հայկական դրամ: Արմեն Փափազյանը մատնանշում է հայկական փոխարժեքների rate.am հարթակը, որտեղ երեւում է հայկական դրամի արժեզրկման վերջին պատկերն ու ընթացքը: Ինչպես նշում է ֆինանսա-տնտեսական գիտությունների դոկտոր Արմեն Փափազյանը, հնարավոր է կանխատեսումն իրականանա հոկտեմբերին, «բայց միգուցե եւ հաշվարկները սխալ դուրս գան, չես իմանա»,-նշում է դրամագետը: Նա այդ եզրահանգումը կատարել է հայկական դրամի զարգացման եւ ԿԲ քաղաքականության երկար տարիների ուսումնասիրության արդյունքում: