20.83c
Երեվան
կրկ, հլս 05
Վրաստանի ազգային արժոյթը՝ լարին, կը շարունակէ արժեզրկուիլ եւ պատմական նուազագոյն ցուցանիշներ գրանցել Ռուսաստանի սահմանած զբօսաշրջային ամպարկոյի ֆոնին, կը տեղեկացնէ «Ռիա Նովոսթի»ն։
Վրաստանի Ազգային դրամատան տուեալներով՝ 27 յունիսի համար սահմանուած պաշտօնական փոխարժէքը կը կազմէ 2,847 լարի մէկ տոլարի դիմաց, որ այսօրուայ փոխարժէքէն 0,5 տոկոսով աւելի ցած է:
ՌԴ նախագահ Վլատիմիր Փութինը 21 յունիսին հրամանագիր ստորագրած է՝ արգիլելով ռուսական օդանաւային ընկերութիւններուն 8 յուլիսէն ՌԴ քաղաքացիները տեղափոխել Վրաստան: Զբօսաշրջային ընկերութիւններուն խորհուրդ տրուած է ուղեգրեր չվաճառել Վրաստանի ուղղութեամբ: Այս հրամանագրի հրապարակումէն ետք լարի փոխարժէքը նուազած է 2,4 տոկոսով:
25 Յունիսին Վրաստանի տնտեսութեան նախարար Նաթիա Թուրնաւան բացառած է լարիի արժէզրկման եւ ՌԴ զբօսաշրջային ամպարկոյի կապը՝ յայտարարելով, որ խօսքը փոխարժէքի կարճաժամկէտ տատանման մասին է:
