18.09c
Երեվան
չրք, մյս 06
Նաւթատար կառքի մը եւ երկու մարդատար կառքերու միջեւ եղած ծանր արկածին հետեւանքով զոհուած են 30-է աւելի անձեր։
Այս մասին լուրը կը հաղորդէ «Ալ Մայատին» կայանը նշելով, որ Դամասկոս-Հոմս ճանապարհին եղած արկածը պատահած է «Ժըսր Պաղտատ» շրջանին մէջ։
Սուրիոյ ներքին գործոց նախարար Մոհամմէտ Խալէտ Ալ Ռահմուն, որ դէպքի վայր ժամանած է նկատել տուած է, որ դէպքը արդիւնք էր նաւթատար կառքի մը արգելակներուն խանգարման, որուն հետեւանքով ալ կառքը բախած է երկու մարդատառ մեծ կառքերու։
Նախարարը նաեւ ըսած է, որ ներկայ պահու դրութեամբ զոհերուն թիւը հասած է 30-ի, չբացառելով այն վարկածը, որ մահացողներուն թիւը ալ աւելիով բարձրանայ։
Կայանը կը յիշեցնէ, որ շրջանի ոստիկանութիւնը փութալով դէպքի վայր քննութիւն բացած է եղածին վերաբերեալ։
