15.09c
Երեվան
հնգ, հկտ 15
Սուրիոյ նախագահ Պաշշար Ասատ այսօր այցելած եւ շրջայց մը կատարած է «Հըմէմին»ի (Լաթաքիա) զինուորական օդակայան: Ասատ մօտէն ծանօթացած է զինուորական խարիսխի աշխատանքներուն եւ զրուցած է օդակայանին մէջ տեղեկայուած ռուսական զօրքերու բարձրաստիճան սպաներուն հետ:
Սուրիոյ նախագահը նաեւ բարձրացած է ռուսական կործանիչ մը ու սպաներուն օգնութեամբ մուտք գործած է ռուսական կործանիչին մէջ: Կը նշուի, որ Ասատ յատկապէս ծանօթացած է ռուսական Սու-35 արդիական կործանիչներուն:
Սուրիոյ նախագահը ընդունուած է Սուրիա գործուղուած ռուսական զօրքերու ընդհանուր հրամանատար զօր. Վալէրի Կէրասիմովի եւ սպայակոյտի պատասխանատուներուն կողմէ:
Նախագահ Ասատի այս այցելութեան մասին տեղեկութիւնը փոխանցած է նախագահի «Թէլէկրամ» ծառայութեան պաշտօնական էջը:
