16.09c
Երեվան
հնգ, հկտ 15
Ֆրեզնոյի քաղաքապետ Ճերի Տայըրի գլխաւորած պատուիրակութիւնը 30 սեպտեմբերին այցելեց Հայոց ցեղասպանութեան յուշահամալիր: Պատուիրակութեան մաս կը կազմէին Ֆրեզնոյի Քաղաքապետական խորհուրդի շարք մը անդամներ, ինչպէս նաեւ` Ֆրեզնոյի մէջ Հայաստանի պատուոյ հիւպատոս Պերճ Աբգարեան:
Հիւրերը դիմաւորեց եւ այցելութեան ընթացքին անոնց ընկերակցեցաւ Հայոց ցեղասպանութեան թանգարան-հիմնարկի տնօրէնի ժամանակաւոր պաշտօնակատար Հրաչեայ Թաշճեանը:
Հիւրերը ծաղիկներ զետեղեցին անմար կրակին մօտ` յարգանքի տուրք մատուցելով Հայոց ցեղասպանութեան անմեղ նահատակներու յիշատակին: Այնուհետեւ անոնք շրջեցան թանգարանին մէջ, ծանօթացան մնայուն եւ ժամանակաւոր ցուցադրութիւններուն:
Աւարտին Ֆրեզնոյի քաղաքապետը գրառում կատարեց պատուաւոր հիւրերու յուշամատեանին մէջ:
Շնորհակալութիւն յայտնելով այցելութեան համար` Թաշճեան Տայըրին նուիրեց Հայոց ցեղասպանութեան թանգարանի պատկերագիրքը:
