22.09c
Երեվան
հնգ, հկտ 08
Սուրիոյ կառավարութիւնը Իրաքի հետ պիտի համաձայնեցնէ իրաքեան քարիւղի փոխադրման համար ցամաքային տարանցիկ երթուղին՝ նպատակ ունենալով մատակարարումները հեռացնել Հորմուզի նեղուցէն։ Այս մասին յայտնած է սուրիական Syrian Petroleum Company պետական քարիւղային ընկերութեան տնօրէն Եուսէֆ Քիպլաուին։
«Կ՚ակնկալեմ, որ բեռնատարներով իրաքեան քարիւղի արտահանումը Սուրիոյ տարածքով մօտ ապագային պիտի սկսի։ Երկու կառավարութիւններուն միջեւ գործարքը գրեթէ աւարտած է», ըսած է ան՝ Bloomberg գործակալութեան տուած հարցազրոյցին մէջ։
Քիպլաուին յոյս յայտնած է, որ «քարիւղով բեռնատարներու առաջին շարասիւնը Սուրիա պիտի ժամանէ Հոկտեմբերի կէսերուն»։
Օգոստոս 29-ին Իրաքի վարչապետ Ալի ալ-Զէյտին համապատասխան գերատեսչութիւններուն յանձնարարած է արագցնել Միջերկրական ծովու ափին գտնուող Սուրիոյ Պանիաս եւ Լիբանանի Թրիփոլի նաւահանգիստներու միջոցով խողովակաշարերով քարիւղի մատակարարումները վերսկսելու ծրագիրներու մշակումը։
Ան ընդգծած է, որ Իրաքի կառավարութիւնը «կը ձգտի էապէս մեծցնել հանրապետութեան արտահանման ներուժը»։
