24.62c
Երեվան
երկ, հնս 22
Հայրենի «Շանթ» հեռուստաընկերութեան հաղորդմամբ այսօր Սուրիոյ Աֆրին աւանի մերձ եղող «Ռաճո» գիւղին մէջ զոհուած է Շէրո Կիւնէշ անունով երիտասարդ մը, որ կ'ըսուի թէ հայ է: Աղբիւրը այս մասին տեղեկութիւն տալով յղում ըրած է քիւրտ վերլուծաբան՝ Մութլու Չիվիրօղլուին:
Նշենք, որ Մութլու Չիվիրօղլուն իր Դվիթըրեան էջին վրայ այդ մասին գրառում մը կատարած ու աղօտ պատկեր մը տեղադրած է գրելով նաեւ, որ զոհը ուսանող մըն էր եւ անոր հետ գտնուող մայրն ալ ծանրօրէն վիրաւորուած է:
«Շանթ» նաեւ կը նշէ, որ կայանը յաջողած է կապ հաստատել Գամիշլիի իր աղբիւրներուն հետ, որոնք իրենց կարգին ոչ հերքած, ոչ ալ ընդունած են ներկայացուած տեղեկութեան հաւաստիութիւնը:
Յիշեցնենք, որ Աֆրին շրջանը կը բաղկանայ աւելի քան 360 գիւղերէ, իսկ «Ռաճո» անունով գիւղին մէջ հայեր ըլլալու մասին ստոյգ տեղեկութիւններ չեն հաղորդուիր:
Յիշեցնենք, որ յունուարէն ի վեր Թուրքիոյ զինուած ուժերը «Ձիթենիի ճիւղ» անունով գործողութիւն մը սկսած են, որ նպատակ ունի երեսուն քլմ. խորութեամբ ապահովական գօտի մը ստեղծել եւ յաշուեհարդար կատարել շրջանին մէջ գտնուող քիւրտ խմբաւորումներուն դէմ:
