13.09c
Երեվան
երկ, հկտ 19
Ուրբաթ գիշեր փակուած է Նիւ Եորքի Իսրայէլի հիւպատոսութիւնը, այնտեղ գտնուած կասկածելի ծրարի մը պատճառով: Այսմասին կը հաղորդէ Իսրայէլի պետական կայանը, նշելով, որ հիւպատոսութիւնը «առաւօտեան ծրար մը ստացած է, որ պարունակած է սպիտակ նիւթ մը եւ Իսրայէլի վարչապետ Բենիամին Նաթանիահուին թիրախ թիրախ դարձնելու սպառնալիք»:
Իսրայէլեան կայանը անանուն աղբիւրէ լուրը մէջբերելով, նշած է, որ հիւպատոսութիւնը փակած է իր դռները, եւ հրահանգուած է աշխատակիցներուն հիւպատոսարանէն դուրս չգալ: Մինչ իրաւասու մարմինները սկսած են հետազօտել «կասկածելի նիւթը» եւ հիւպատոսարանի ու անոր շրջակայ տարածքէն ներս հետազննական
գործողութիւններ կատարել:
Նշենք, որ Նիւ Եորք այս օրերուն կը հիւրընկալէ ՄԱԿ-ի տարեկան նստաշրջանը եւ կ'ակնկալուի, որ այդ ծիրէն ներս քաղաքական քննարկումներուն ներկայ գտնուին շարք մը պետութիւններու նախագահներ եւ կառավարական բարձրաստիճան պաշտօնեաներ:
