14.16c
Երեվան
կրկ, հնս 28
«Lebanon 24» լրատուական կայքը կարծիք յայտնած է, որ Լիբանանի մէջ կառավարութեան ստեղծման խանգարող հանգամանքը նախագահ Աունի համակիրներու եւ «Ազատ ազգայիններ»ու ցանկութիւնն է 11 նախարարով հանդէս գալ ստեղծուելիք 30-անդամեայ կառավարութեան մէջ:
Աղբիւրին կարծիքով, նման ցանկութիւն անհասանելի է ներկայիս, մանաւանդ, որ երկու քաղաքական ուժեր կը խանգարեն անոր իրագործումը:
Նշուած ուժերէն առաջինը վարչապետ Հարիրիի խումբն ու անոր գլխաւորած քաղաքական հոսանքն է, իսկ երկրորդը՝ «Ազատ ազգայիններ»ու հակառակորդ հանդիսացող ուժերը, Նապիհ Պըրրի եւ Ուալիտ Ճունպլաթի գլխաւորութեամբ:
Ինչ կը վերաբերի «Հըզպալլա»ին, կայքին համոզմամբ, վերջինս որեւէ ուժի կողմ պիտի չբռնէ, այլ պիտի փորձէ ճնշում բանեցնել տարբեր ուժերու վրայ, նպատակ ունենալով արագացնել կառավարութեան ստեղծման գործընթացը:
Տարածուած լուրերուն համաձայն, «Հըզպալլա» «Ազատ ազգայիններ»ուն յայտնած է, որ պատրաստ է իր կողքին կանգնիլ, պայմանով, որ ան դադրեցնէ իր լարուածութիւնը Պըրրի հետ, որուն հետեւանքով ալ վերջինս ետ կանգնեցաւ Ելեւմուտի նախարարութեան աթոռի իր պահանջէն:
