20.09c
Երեվան
երկ, հկտ 19
Արժանթինի պատմութեան մէջ խոշորագոյն դատավարութիւնը համարուող դատական գործողութիւններու ծիրին մէջ, 1977 թուականին 12 օդանաւի ուղեւորներ Աթլանթեան Ովկիանոսի սառած ջուրերուն մէջ նետելով զանոնք սպանած երկու օդանաւորդները ցմահ ազատազրկման դատապարտուած են: Այս մասին կը հաղորդէ «Russia Today» լրատուական ցանցը:
Մարիօ Դանիէլ Արօ եւ Ալեխանտրօ Տի Ակուսթինօ եղած են այն օդանաւի օդաչուները, որմէ 1977 թուականի դեկտեմբերի 14-ին 12 ուղեւորներ ովկիանոս նետուած են, որոնց թուին էին երկու ֆրանսացի մայրապետներ եւ այժմու Հռոմի Պապի երբեմնի մտերիմ ընկերուհին՝ կանանց իրաւունքներու պաշտպան գիտնական Ասֆար Պալիսթրինօ:
«Մահուան թռիչքներ» անունը կրող այս դատական գործողութիւններու ընթացքին որպէս ամբաստանեալ ներգրաւուած են 789 սպանութեան դէպքի մէջ մեղադրուող 54 անձ, որոնք իրենց յանցաւոր արարքներն իրագործած են 1976-1983 թուականներուն Արժանթինի մէջ տեղի ունեցած ռազմական լարուածութիւններու օրերուն:
Նշուած է, որ Հռոմի Պապը Ասֆար Պալիսթրինոյի հետ ծանօթացած է նախորդ դարու 50-ականներուն, եւ անոնք մտերիմ ընկերներ էին:
Ան շարք մը այլ ընդդիմադիրներու եւ մարդու իրաւունքներու պաշտպաններու հետ զինուորականներու կողմէ սպանութեան ենթարկուած են:
