17.09c
Երեվան
չրք, մյս 06
«Քորոնա» վարակի տարածման դէմ պայքարելու նպատակով առաջիկայ օրերուն կրնայ յետաձգուիլ Իրանի Իսլամական Հանրապետութեան հետ ցամաքային սահմանի վերաբացումը։
Այս մասին այսօր յայտարարեց Հայաստանի Հանրապետութեան Առողջապահութեան նախարար Արսէն Թորոսեանը։
Թորոսեանը նաեւ նշեց, որ առաջիկայ օրերուն կը զուգադիպի Իրանեան «Նէւրուզ» տօնը եւ այդ օրերուն ալ մարդկային մեծ ներհոսքէ զերծ մնալու համար Հայաստան փակ պիտի պահէ իր սահմանները Իրանի հետ։
Նշենք նաեւ, որ «Քորոնա» վարակի Իրանի մէջ գրանցուած ակներեւ տարածումէն ետք ՀՀ կառավարութիւնը, շաբաթ մը առաջ որոշում կայացուցած էր փակել Իրան-Հայաստան ցամաքային եւ օդային ճանապարհները, իսկ Իրանէն դէպի Հայաստան կատարուող բեռնափոխադրումները կը շարունակուին հսկողութեան կարեւոր միջոցներու կիրարման ներքոյ։
Յիշեցնենք, որ այսօր առաւօտ պարզ կը դառնար, որ Հայաստանի մէջ գրանցուած է «Քորոնա» վարակի առաջին դէպքը եւ վարակակիր ՀՀ քաղաքացի մըն էր, որ Երեւան ժամանած էր Թեհրանէն։
