29.43c
Երեվան
երկ, հնս 22
«Մուսթաքպալ» հեռուստակայանի հաղորդավար Փօլա Եագուպեան իր հրաժարականը ներկայացնելէ եւ խորհրդարանական ընտրութիւններուն իր թեկնածութիւնն առաջադրելու որոշման մասին բարձրաձայնելէն ետք, լիբանանեան «Եօթի կուսակցութիւն»ն իր ֆէյսպութեան էջին վերջինիս վերաբերեալ տեսագրութիւն մը հրապարակած է:
Տեսագրութեան մէջ Եագուպեան նշած է, որ առաջին անգամ ըլլալով որոշած է քաղաքական կուսակցութեան մը անդամակցիլ, եւ ընտրած է «Եօթի կուսակցութիւն»ը, որ քաղաքացիական հասարակութենէն է, եւ ազգային դաշինքին մաս կը կազմէ:
«Ես այն մարդոց ամպիոնին մաս կը կազմեմ, որոնք ձախողութիւններէն յոգնած են»,- նշած է Եագուպեան, շեշտելով, որ միեւնոյն ճամբան շարունակելն ու փոփոխութիւն չկատարելը նոյն արդիւնքին կը յանգեցնէ:
«Յառաջիկային կարեւոր ընտրութիւններ են, միացէ'ք յոյսի աշխատանոցին»,- կոչ ուղղած է հայազգի հաղորդավարը:
