28.43c
Երեվան
երկ, հնս 22
Հայաստանէն Վրաստան ծաղիկի արտահանումը կտրուկ աճած է: Այս մասին կը վկայեն Վրաստանի ազգային վիճակագրական ծառայութեան տուեալները:
Վրաստանը ընթացիկ տարուան մայիսին Հայաստանէն ներմուծած է աւելի քան 218 թոն ծաղիկ եւ կոկոն, որ կը կազմէ 750 հազար տոլար եւ կը համարուի ամսական ներմուծման պատմական մրցանշային ցուցանիշ։
Հայաստանէն արտահանուած ծաղիկի ծաւալները մայիսին 3 անգամ գերազանցած են 2025-ի նոյն ամսուան ցուցանիշը, իսկ 2026-ի ապրիլի համեմատ աճը կազմած է 89 տոկոս՝ գերազանցելով սոյն տարուան մարտին արձանագրուած նախորդ մրցանիշը, որ կը կազմէր 129 թոն: Վիճակագրական գերատեսչութեան հաղորդմամբ՝ Հայաստանէն ներկրոգած ծաղիկի խմբաքանակները չեն վերաարտահանուած, քանի որ անցած ամսուան ընթացքին Վրաստանը դէպի համաշխարհային շուկաներ ծաղկի արտահանում չէ կատարած:
Մայիսին Վրաստանի կողմից ներմուծուած ծաղիկի ընդհանուր ծաւալը կազմած է աւելի քան 342 թոն: Հիմնական մատակարարները եղած են Հայաստանը, Էքուատորը, Հոլանտան, ինչպէս նաեւ Քենիան, Թուրքիան, Չինաստանը, Հարաւափրիկեան Հանրապետութիւնը եւ Իտալիան, որոնց ընդհանուր բաժինը միասին վերցուցած չէ գերազանցած 10 թոնը:
Հայաստանէն Վրաստան ծաղիկներու արտահանումն աճած Ռուսիոյ սահմանափակումներու լոյսի ներքոյ: Ռուսիոյ անասնաբուժական եւ բուսասանիտարական վերահսկողութեան դաշնային ծառայութիւնը՝ «Ռոսսելխոզնադզորը», մայիս 22-էն ժամանակաւորապէս սահմանափակած է Հայաստանէն ծաղկային արտադրանքի ներմուծումը Ռուսիոյ Դաշնութիւն:
Պաշտօնական տուեալներու համաձայն՝ վերջին երկու տարուամ մէջ Հայաստանէն Ռուսիա ծաղիկի արտահանման ծաւալներն աճած են 2,5 անգամ՝ 20,8 մլն տոլարէն հասնելով 53,6 մլն տոլարի: Ընդ որում՝ 2024-ին արտահանումը կազմած է 36 մլն տոլար, իսկ 2025-ին հասած 53,6 մլն տոլարի: Արտահանման ֆիզիկական ծաւալներու աճին զուգընթաց արձանագրուած է նաեւ մատակարարուող ապրանքի արժէքի բարձրացում. եթէ 2024-ին 1 թոն ծաղիկի միջին արժէքը կը կազմէր 3 031 տոլար, ապա 2025-ին այն հասած է 5 418 տոլարի:
