17.09c
Երեվան
հնգ, հկտ 01
Յունաստան-(«Տէյլի Սապահ»-Պոլիս)- Յունաստանի ոստիկանութիւնը յայտարարած է, որ Յունաստանի իշխանութիւնները ձերբակալած են երեք բրիտանացիներ , որոնք կը փորձէին զէնք է ներածել Թուրքիա: Այս մասին կը տեղեկացնէ «Տէյլի Սապահ» նշելով, որ ձերբակալեալները, որոնք քիւրտ-իրաքեան ծագում ունին, ձերբակալուած են շաբաթ երեկոյեան, հիւսիսարեւելեան Յունաստանի Քիփոյի գիւղի մօտ գտնուող սահմանային անցքին մօտ: Աղբիւրը նաեւ կը նշէ, որ ոստիկանութիւնը յայտնաբերած է 18 հրացաններ եւ տասնեակ հազարաւոր փամփուշտներ, որոնք պահուած եղած են իրենց ինքնաշարժին մէջ: Կասկածեալներէն մէկուն մօտ յայտնաբերուած է մօտ 1,100 ԱՄՆ տոլար, թրքական լիրա եւ իրաքեան տինար, իսկ միւսին մօտ եղած է 900 եուրո (1000 տոլար) եւ հինգ բջիջային հեռախօսներ: Ոստիկանութիւնը նաեւ նշած է, որ զէնքերը բերուած եղած են Գերմանիայէն՝ վաճառելու նպատակով: «Սապահ» կը նշէ, թէ հակառակ անոր, որ ձերբակալեալները կը պատկանին խուլիգանական խմբաւորման, սակայն ոչ մէկ փաստ կայ անոնց ահաբեկչական խմբաւորման հետ կապ ունենալուն: Անոնց հասցէին նախապէս եւրոպայի մէջ ձերբակալման հրամանագիր չէ եղած: Անոնցմէ միայն մէկուն հասցէին կասկածանք կայ՝ ոճրագործական կազմակերպման մէջ:
