19.04c
Երեվան
շբթ, հնս 27
Մինչ երկրէն դուրս գտնուող լիբանանցիները կը պատրաստուին իրենց մասնակցութիւնը բերել երկրի ընտրութիւններուն Լիբանանի նախագահ զօր. Միշէլ Աուն ուղերձով մը հանդէս գալով բոլորին յորդորեց դրամով «չծախել» իրենց ձայները:
Աուն մասնաւորապէս ըսաւ, բոլոր քաղաքացիները կոչուած են մասնակցիլ ընտրութիւն հիմնուելով ազատ խիղճի արտայայտութեան վրայ:
«Հասարակական կեանքին մէջ արժէքներ կան, որ ձրի կը տրուին, ինչպիսին են սէրն ու վստահութիւնը եւ երբ վերանայ այդ մօտեցումը մեր սէրը կը վերածուի պոռնկութեան:
Սիրելի քաղաքացիներ յիշեցէք եւ հաշուի առէք, որ ան որ ձեզ այսօր դրամով կը փորձէ գնել, վաղը անպայման պիտի ծախէ եւ որեւէ մէկը որ կը ծախէ քաղաքացին անոր համար շատ հեշտ է իր հայրենիքը ծախելը» ըսաւ զօր. Աուն նշելով, որ Լիբանանէն դուրս գտնուող բոլոր քաղաքացիները կոչուած են օգտուիլ իրենց գտնուած վայրին մէջ քուէարկելու իրաւունք ունենալու բոլոր յարմարութիւններէն:
Լիբանանի նախագահը մտահոգութիւն յայտնեց վերջին շրջանին քաղաքական խօսակցութեան եւ «բառապաշար»ի անկումի երեւոյթին, ինչպէս նաեւ գործիչներու իրար հանդէպ թոյլ տուած անվայել արտայայտութիւններուն վերաբերեալ:
Նախագահը նաեւ կոչ ըրաւ բոլորին հեռու մնալ դաւանական մոլուցքներէն նկատել տալով, որ «դաւանական պայքարը եւ այլամերժութիւնը չարիք են մեր երկրին համար»:
