22.49c
Երեվան
չրք, հլս 15
Ոստիկանները յաջողած են բանալ Արշակունեաց պողոտան, սակայն ցուցարարներու թիւն աւելնալուն զուգահեռ, անոնք դարձեալ փակած են ճանապարհը:
Ոստիկանները կանգնած են պողոտայի մէջտեղը, որպէսզի թոյլ չտան փակել պողոտայի նաեւ միւս հատուածը: Լրացուցիչ ոստիկանական խումբեր եկած են այնտեղ:
Նշենք, որ Երեւանի մէջ մռայլ եղանակ է, քաղաքի որոշ հատուածներուն մէջ անձրեւ կու գայ:
Այսօր առաւօտէն քաղաքի տարբեր հատուածներուն մէջ լարուած իրավիճակներ կ'առաջանան ցուցարարներուն եւ ոստիկաններուն միջեւ. աքթիւիսթները քաղաքի տարբեր փողոցներուն մէջ փորձած են փակել փողոցները, այդ շարքին մեքենաներով: Ոստիկանները արագ ժամանելով տուեալ վայրեր, փորձած են բանալ փողոցները: Ոստիկանները, այդ շարքին քաղաքացիական հագուստներով բերման ենթարկած են ցուցարարներուն:
Նշենք, որ առաւօտէն փակուած-բացուած են մասնաւորապէս, Կիւլպէնկեան փողոցը, Կոմիտասի պողոտան, Մաշտոցի պողոտան, Դաւիթաշէնի կամուրջը, Եղուարդի մայրուղին, Գրիգոր Լուսաւորիչ փողոցը, Ազատուիթեան պողոտան, Արշակունեաց պողոտան, Երեւան-Աբովեան ճանապարհը, Վարդանանց փողոցը, կորիւն փողոցը, Պուշկին փողոցը եւ այլն:
Ժամը 13-ի դրութեամբ բերման ենթարկուածներու թիւը հասած է 107-ի, անոնց մէջ է Նիկոլ Փաշինեանի որդին, որուն աւելի ուշ ազատ արձակած են:
