9.09c
Երեվան
չրք, մյս 06
Հայաստանի Հանրպետութեան «Ազգային Անվտանգութեան Ծառայութիւն»ը՝ «ԱԱԾ»-ն այսօր Էրէբունիի ՊՊԾ գունդի կեդրոնին կապուած նոր յայտարարութեամբ մը հանդէս եկած է: Յայտարարութեան մէջ մասնաւորապէս կ'ըսուի, թէ «Սասնայ ծռեր» խումբը, արդէն 6-րդ օրն է, որ գրաւած է ՊՊԾ կեդրոնը եւ իր մօտ պաատանդ կը պահէ 4 ոստիկաններ, որոնց շարքին են փոխոստիկանապետեր ՝ Վալէրի Օսիբեանն ու Վարդան Եղիազարեանը: Կը նշուի նաեւ, որ մինչեւ այս ժամը բանակցութիւններ կը տարուին խնդրին անարիւն հանգուցալուծում ապահովելու համար: Նշենք, որ, որ երրորդ միջնորդ կողմէն ստացուած տուեալներով , զինեալ տղաքը մեծ քանակութեամբ զէնք եւ զինամթերք ունին իրենց մօտ: Պատկան մարմիններ նաեւ յայտնած են, որ իրենք զինեալները վնասազերծելու յարմար բոլոր եղանակներուն կը տիրապետեն: ՀՀԿ խօսնակ Էտուարտ Շարմազանով, երէկ այս մասին խօսելով նկատել տուած էր, որ իշխանութիւններուն համար այսօր ամէնէն առաջնային օրակարգը Էրէբունիի հարցին առանց արիւնահեղութեան հանգուցալուծումն է:
