26.66c
Երեվան
ուրբ, հլս 17
Արցախի Հանրապետութեան Ազգային ժողովի խումբ մը պատգամաւորներ 7 օգոստոսին միջնորդութիւն-խնդրանք ներկայացուցած են Հայաստանի Հանրապետութեան գլխաւոր դատախազին: Այս մասին տեղեկացուցած է Արցախի Հանրապետութեան Ազգային Ժողովի նախագահի մամուլի խօսնակ Անոյշ Ղաւալեանը:
Միջնորդութիւնը կը վերաբերի Արցախի առաջին եւ ՀՀ երկրորդ նախագահ Ռոպերթ Քոչարեանի նկատմամբ որպէս խափանման միջոց կիրառուած կալանաւորումը ազատութենէ զրկելու հետ չկապուած խափանման միջոցով փոխարինելուն` հաշուի առնելով Ռոպերթ Քոչարեանի մատուցած ծառայութիւնները Արցախի Հանրապետութեան եւ Հայաստանի Հանրապետութեան պետականաշինութեան գործին:
Թէ քանի պատգամաւոր ստորագրած է միջնորդութեան տակ, եւ ովքեր են, Ա. Ղաւալեան մանրամասնութիւններ չէ յայտնած` պարզաբանելով, որ իրեն նման լիազօրութիւն չէ տրուած:
Երէկ յայտնի դարձած էր, որ նման միջնորդութիւն ներկայացուցած են նաեւ Հայաստանի Ազգային Ժողովի 45 պատգամաւորներ, որոնց անունները նոյնպէս չեն հրապարակուած:
